Чăваш чĕлхипе литература эрни Етĕрнери 2-мĕш номерлĕ шкулта  «И.Я.Яковлев – чăвашсене çутта кăлараканĕ» ятлă кĕнеке  выставкинчен пуçланчĕ.Вăл кун библиотекăра ачасем нихçанхинчен те йышлă пулчĕç. Шкул библиотекарĕ тата чăваш чĕлхипе литература вĕрентекенĕ Иванова П.Ю. вĕсене чăвашсен патриархĕ çинчен çырнă кĕнекесемпе паллаштарчĕ.

 Чăваш чĕлхи урокĕ вăхăтĕнче  классенче чĕлхесем çинчен калакан законсем пирки калаçрĕç. Пĕтĕмĕшле положенипе паллашрĕç. Граждансен чĕлхе суйласа илмелли прави тата çав правасемпе усă курасси çинчен калаçрĕç. Республика гражданĕсен хăйсен тăван чĕлхине, культура еткерлĕхне сыхласа хăваракан чĕлхе вырăнне хурса типтерлĕ упрама тата йăли –йĕркисене хисеплеме тивĕçлĕ тенипе вĕренекенсем пурте килĕшрĕç.