Ака уйӑхӗн 23-30- мӗшӗсенче Республикӑри  пур шкулсенче те чӑваш чӗлхи эрни пырать. Етӗрнери 2-мӗш шкулта уроксенче  чӑваш юррисем, чӑваш сӑввисем янӑраҫҫӗ, чӑваш тӗррисен выставкисене йӗркелеҫҫӗ.

       Ака уйӑхӗн 24-мӗшӗнче 6-мӗш  класс ачисем урокра И.Я. Яковлев  ҫинчен презентаци пӑхрӗҫ. Чӑваш халӑхне ҫутта кӑларакан, чӑваш алфавитне тӑвакан, пӗрремӗш  чӑваш шкулне уҫакан ҫинчен нумай пӗлчӗҫ. Урокра «Илемлӗ, илемлӗ» чӑваш юррине итлерӗҫ. Урок вӗҫӗнче Яковлев ҫырнӑ  пӗчӗк калавӗсене вуларӗҫ, унӑн калавӗсем тӑрӑх ÿкерчӗксен выставкине йӗркелерӗҫ. Чӑваш поэчӗсем   тӑван ҫӗршыв, ҫуркунне, ҫемье ҫинчен ҫырнӑ сӑввисем  янӑрарӗҫ.

       Вӑрҫӑ пӗтни Çӗнтерÿ кунӗ 80 ҫул ҫитсе пырать. Çак куна халаласа вӑрҫӑ ҫинчен   чӑвашла   ҫырнӑ  кӗнекисен выставкине йеркелерӗҫ.